今日原本上去度窗簾, 點知響信箱收到封信話執漏完成, 跟全我當然即刻走去收樓部搵負責果位同事啦, 當時係12:20分, 我原先估佢地食12:30-1:30, or 1:00-2:00, 門口果2位小姐同我講, 同事出咗去食飯喎, 你遲d再黎得唔得, 跟全我話, 唔得, 我都好唔得閑架喎, 我一陣仲要返工, 而家我比管理費養你, 而唔係我幫ck打工, 唔係要我就你呀? 我問佢無其他人跟咩, 一定要搵返果個人咩, 佢地話其他人開會, 後來另一個女仔幫我打電話叫返果位同事返黎。
真係攪笑,
第一, 封信無話要預約, 去到要等
第二, 原來佢地食飯時間係12:00-1:00, 所以你地都要留意就返佢地, 唔係就攪到好似我咁, 橫不講理。好人嘅就唔該等到1點佢地食完飯先有人理你
第三, 佢地執完漏完全無人check係咪ok就叫你上去收, 而我有幾個問題係無解決
1) 地磚不平, 仲有好多不平, 我叫佢自己行路feel下, 如果o甘都無問題, 我就當無問題啦, 佢淨係個廳都有3塊, 我叫佢全屋再check一次, 呢d係佢地要負責check, 而唔係我負責check, 因為我比咗錢。而家我要就佢, 我d裝修佬要停工, 因為佢話界磚會彈花d牆, 但係我今日開始油油, 本來聽日交貨, 而家又要延1-2日。個裝修佬嘈到七彩, 因為呢期出面勁好景, 大把生意, 拖佢1-2日都好慘。
2) 換完磚之後, d門框腳爆晒, 甩油, d地腳線同磚之間隙縫無補, (仲攪笑, 佢地賴係我裝修佬整到, 我話如果d門花, 門框中間爆我會入裝修佬數, 但係係個腳位, 我就覺得一定唔關事, 係手工問題, 無理由o甘甩油法, 好似甩皮咁!)
3) 熱水爐漏水, 佢話ok, 我老公鬧佢, 你無開水制緊係ok啦, 一開就滴晒水, 唉!
4) d玻璃仲未返貨, 要8月頭先有, 即係又安唔到窗簾啦
所以你地留意下執漏完再check間屋一次, 有機會之前無事嘅野, 而家變有事! 小心! |
